Futbol üzrə Azərbaycan yığması bu gün UEFA Millətlər Liqasında növbəti oyununu keçirəcək.
Oxu.Az xəbər verir ki, Canni De Byazinin baş məşqçisi olduğu komandamız C Liqasının 3-cü qrupunda Slovakiya yığmasını qəbul edəcək.
Mərdəkan qəsəbəsində “Dalğa Arena”da oynanılacaq qarşılaşma saat 20:00-da başlayacaq. Görüşün baş hakimi litvalı Donatas Rumsas olacaq. Komandamız qrupun favoriti sayılan güclü rəqibinə doğma azarkeşlər önündə qalib gəlməklə ilk üç xalını qazanmağa çalışacaq.
Azərbaycan millisi indiyədək Slovakiya ilə altı dəfə üz-üzə gəlib. Bu matçların beşində məğlub olan yığma yalnız 2001-ci ildə Bakıda DÇ-2002-nin seçmə mərhələ oyununda qələbə qazanıb – 2:0. Qrupun digər görüşündə Belarus Serbiyada qrup lideri Qazaxıstanla qarşılaşacaq.
Bu gün həmçinin Millətlər Liqasında daha altı oyun keçiriləcək.
UEFA Millətlər Liqası
III tur
A Liqası
1-ci qrup
22:45 Avstriya – Fransa
22:45 Danimarka – Xorvatiya
Xal durumu: Danimarka – 6, Avstriya – 3, Fransa – 1, Xorvatiya – 1
B Liqası
2-ci qrup
22:45 Albaniya – İsrail
Xal durumu: İslandiya – 2, İsrail – 1 (1 oyun), Albaniya – 1 (1)
C Liqası
3-cü qrup
20:00 Azərbaycan – Slovakiya
22:45 Belarus – Qazaxıstan
Xal durumu: Qazaxıstan – 6, Slovakiya – 3, Belarus – 1, AZƏRBAYCAN – 1
D Liqası
1-ci qrup
20:00 Moldova – Latviya
22:45 Andorra – Lixtenşteyn
Xal durumu: Latviya – 6, Moldova – 4, Andorra – 1, Lixtenşteyn – 0.
www.RIA24.az
