Avropa Konfrans Liqasında II təsnifat mərhələsinin püşkü atılıb.
Oxu.Az xəbər verir ki, Çempionlar yolunun püşkatmasında “Qarabağ”ın da mümkün rəqibi bilinib. Azərbaycan təmsilçisinin Polşa “Lex”i ilə Çempionlar Liqasının I təsnifat mərhələsində təşkil etdiyi cütün məğlub komandası Konfrans Liqasının II mərhələsinə yollanacaq.
“Qarabağ” – “Lex” cütünün məğlubu Çempionlar Liqasının I mərhələsindəki “Slovan” (Slovakiya) – “Dinamo” (Batumi, Gürcüstan) cütünün məğlubu ilə üz-üzə gələcək. Təmsilçimizin təşkil etdiyi cütün məğlub tərəfi ilk görüşü evdə (Bakı və ya Poznanda) keçirəcək.
Qeyd edək ki, Konfrans Liqasında II təsnifat mərhələsinin oyunları iyulun 21-də və 28-də olacaq.
www.RIA24.az
