“Hələ ölməmişəm, yenidən uğur qazanmaq istəyim var”.
“Report”un məlumatına görə, bunu Azərbaycan milli komandasının baş məşqçisi Canni De Byazi gələcək karyerası barədə danışarkən deyib.
İtaliyalı mütəxəssis yenidən uğur qazanmaq arzusunda olduğunu bildirib:
“Bunun klub və ya yığma olması elə də önəmli deyil. Hələlik isə Azərbaycan millisinin sükanı arxasındayam. 2022-ci ilin sentyabrınadək müqaviləm var”.
Azərbaycandakı həyatından da söz açan 66 yaşlı baş məşqçi Bakıda tək yaşadığını söyləyib:
“Həyat yoldaşım Konelyanodadır, qızım isə Padua universitetində oxuyur. Yemək bişirməyi bilirəm, həmçinin, burada italyan restoranlar var”.
Ötən ilin dekabrında koronavirusa yoluxduğunu deyən De Byazi xəstəliyi ağır keçirdiyini əlavə edib:
“Yeddi kiloqram arıqladım. Amma sağaldım”.
www.RIA24.az
