UEFA Çempionlar Liqasında I təsnifat mərhələsinə yekun vurulub.
İkinci oyun günündə altı qarşılaşma baş tutub.
“Ferentsvaroş” Macarıstanda Qazaxıstan “Tobol”unu darmadağın edib – 5:1. Komandalar arasındakı ilk görüşdə hesab açılmayıb.
“Dinamo” (Batumi) klubu Gürcüstanda Slovakiyanın “Slovan” (Bratislava) kollektivi ilə üz-üzə gəlib. Bratislavadakı ilk qarşılaşmada qolsuz heç-heçə qeydə alınsa da, cavab matçında qonaqlar üstün olub – 1:2.
Şimali İrlandiya və Uels təmsilçiləri “Linfild”lə TNS-in oyununda qalib əlavə vaxtda, “Kluj” və “Pünik” matçında isə penaltilər seriyasından sonra müəyyən edilib.
Gecənin bütün nəticələri aşağıdakı kimidir:
UEFA Çempionlar Liqası
I təsnifat mərhələsi, cavab oyunları
“Dinamo” (Batumi, Gürcüstan) – “Slovan” (Bratislava, Slovakiya) 1:2
İlk oyun – 0:0
“Klasksvik” (Farer adaları) – “Budye Qlimt” (Norveç) 3:1
İlk oyun – 0:3
“Şaxtyor” (Soliqorsk, Belarus) – “Maribor” (Sloveniya) 0:2
İlk oyun – 0:0
“Ferentsvaroş” (Macarıstan) – “Tobol” (Qazaxıstan) 5:1
İlk oyun – 0:0
“ÇFR Kluj” (Rumıniya) – “Pünik” (Ermənistan) 2:2 (pen.3:4)
İlk oyun – 0:0
“Linfild” (Şimali İrlandiya) – TNS (Uels) 2:0
İlk oyun – 0:1
www.RIA24.az
