Bakı. Trend:
Bu ilin iyul ayında 81,28 faiz paya sahib olan “Google”
Azərbaycanda ən populyar axtarış sistemi kimi qalmaqda davam
edib.
Trend-in
“Global Stats” Statistika Mərkəzindən əldə etdiyi məlumata görə,
cari ilin iyun ayı ilə müqayisədə “Google” axtarış sisteminin payı
1,39 faiz bəndi artıb.
Hesabat dövründə “Yandex” axtarış sisteminin payı 1,47 faiz
bəndi azalaraq 16,4 faiz təşkil edib.
Cari ilin iyul ayında “Bing” axtarış sisteminin payı 0,03 faiz
bəndi artaraq, 1,23 faizə, “Yahoo”nun payı isə 0,04 faiz bəndi
azalaraq 0,47 faizə bərabər olub.
Hesabat dövründə Azərbaycanın axtarış sistemi bazarında 0,62
faiz digər axtarış sistemlərinin payına düşüb.
