Bakı. Trend:
Son dövrlərdə Azərbaycanda sənayeləşmə siyasətinə uyğun olaraq
yaradılan sənaye zonalarının qeyri-neft sənayesi məhsullarının
istehsalında və ixracında xüsusi çəkisi artmaqda davam edir.
İqtisadiyyat Nazirliyi yanında İqtisadi Zonaların İnkişafı
Agentliyindən (İZİA) Trend-ə verilən məlumata görə, 2025-ci ilin I
yarısında 1,83 milyard manatlıq məhsul istehsalı ilə sənaye
zonalarının qeyri-neft sənayesi məhsullarının istehsalında xüsusi
çəkisi 18,7%, qeyri-neft sənayesi məhsullarının ixracında isə 28,3%
(583,5 milyon manat) olub.
Bildirilib ki, hazırda ölkədə 13 sənaye zonası mövcuddur.
Qeyd edilib ki, sənaye zonalarında investisiya portfeli 8
milyard manatdan çox olan 160 sahibkarlıq subyekti rezident, 12
sahibkar isə qeyri-rezident kimi qeydiyyatdan keçib.
