Azərbaycanın İnterpol vasitəsilə beynəlxalq axtarışa verdiyi türkiyəli biznesmen tutulub.
“Qafqazinfo” xəbər verir ki, Cinayət Məcəlləsinin 213.3-cü (vergiləri, işsizlikdən sığorta, icbari tibbi sığorta və ya məcburi dövlət sosial sığorta haqlarını ödəməkdən yayınma) maddəsi ilə ittiham edilən və ölkədən çıxdığına görə barəsində axtarış elan edilmiş Türkiyə vətəndaşı, 1964-cü il təvəllüdlü Şükrü Çakır İtaliya polisi tərəfindən saxlanılıb. Onun Azərbaycana ekstradisiyası üçün tədbirlərin görüldüyü bildirilir.
Məlumata görə, Şükrü Çakır Azərbaycanda bir sıra dövlət layihələrinin podratçısı olan “Çakır Yapı” şirkətinin prezidentidir.
www.102info.az
