“Qərbi Azərbaycan salnaməsi” layihəsi çərçivəsində növbəti veriliş yayımlanıb.
Aparıcı Ellada Sarvanın budəfəki qonağı Azərbaycan Milli Elmlər Akademiyasının A.Bakıxanov adına Tarix İnstitutunun icraçı direktoru, tarix elmləri doktoru, dosent İlqar Niftəliyev olub.
Qərbi Azərbaycanın tarixindən danışan ekspert qeyd edib ki, bu ərazi uzun əsrlər boyu Qafqaz Albaniyasından tutmuş Səfəvilər imperiyasına qədər Azərbaycan dövlətlərinin tərkib hissəsi olub.
İ.Niftəliyev ermənilərin bu ərazilərə gəlməsindən danışıb.
“Rusların işğalından sonra Osmanlı İmperiyası ərazisindən, eləcə də Qacar dövlətinin ərazisindən erməni əhalisinin kütləvi şəkildə köçürülməsinə başlanıldı və bu, etnodemoqrafik vəziyyəti kəskin şəkildə dəyişdirdi.
Ermənilərin sayı getdikcə artmağa başladı və son nəticədə bu, XX əsrin əvvəllərində İrəvan quberniyasının ərazisində etnik toqquşmaların baş verməsinin səbəblərindən biri oldu.
Daha dəqiq desək, “Daşnaksütyun” partiyasının rəhbərlik etdiyi erməni silahlı qüvvələri müsəlman əhaliyə qarşı kütləvi qırğınlar həyata keçirib. 1918-ci ildə isə İrəvan quberniyasının ərazisinin bir hissəsi hesabına burada öz dövlətlərini yaratdılar”, – deyə o bildirib.
Bundan əlavə, tarixçi İrəvan quberniyasında azərbaycanlıların soyqırımı ilə bağlı sovet Azərbaycan tarixçilərinin sənədlərdən istifadəsinə nə üçün qadağa qoyulması sualını cavablandırıb.
Daha ətraflı hekayədə:
www.RIA24.az
