Kristofer Nolanın “Tenet” filmi indiyə qədər çəkilmiş ən qarışıq kinodur.
Bu barədə “Letterboxd” portalı tərəfindən aparılan araşdırma zamanı məlum olub.
Bildirilir ki, britaniyalı vizyonerin son blokbasteri kinematoqrafın ən çətin lenti hesab olunur.
Qeyd edk ki, Böyük Britaniya və ABŞ-ın birgə istehsal olan elmi-fantastik triller filmində əsas rollarda Con David Vaşinqton, Robert Pattinson, Elizabet Debiki, Dimpl Kapadiya, Maykl Keyn və Kennet Brana oynayıb. Filmin qəhrəmanı bəşəriyyətin sağ qalmasını təmin etmək üçün vaxtı idarə etməyi öyrənməli olan gizli agentdir.
The Final Trailer for ‘TENET’ (2020) is the best yet, featuring “The Plan” by Travis Scott.
This is going to be an EXPERIENCE. pic.twitter.com/YRmZLuBAJU
— DR Movie News ? (@DRMovieNews1) August 22, 2020
Çəkilişlər 2019-cu ilin mayında başlayıb və yeddi ölkədə (Danimarka, Estoniya, Hindistan, İtaliya, Norveç, Böyük Britaniya və ABŞ) aparılıb.
COVID-19 pandemiyası səbəbindən premyera tarixi üç dəfə təxirə salınıb. “Warner Bros. Pictures” filmi beynəlxalq miqyasda 2020-ci ilin avqustun 26-da və ABŞ-da isə həmin ilin sentyabrın 3-də nümayiş edilib, beləliklə də, pandemiya məhdudiyyətlərindən sonra kinoteatrlarda çıxan ilk Hollivud blokbasteri oldu.
“Tenet” qlobal kassada 363,6 milyon dollar gəlir əldə etməklə də 2020-ci ilin ən çox gəlir gətirən dördüncü filmi hesab edilir.
Tenet tənqidçilərdən əsasən müsbət rəylər alıb, onlar aktyor oyunu, operator işi, soundtrek, montaj, geyim və rejissorluğu yüksək qiymətləndiriblər. Buna baxmayaraq, bəziləri filmi mürəkkəb süjeti, laqeyd hekayə tonunu və səs montajını tənqid edib.
Film ən yaxşı vizual effektlərə görə “BAFTA” və “Oskar” mükafatı laureatı olub.
Mənbə: Star News
www.RIA24.az
