Yoldan keçən şəxs çöllükdə zibil torbasının içində çılpaq və əlləri bağlı yeniyetmə qız tapıb. 16 yaşlı qız çaşqın vəziyyətdə olub. Zərərçəkən polisə onu kimin qaçırdığını və ya son bir neçə günü harada keçirdiyini deyə bilməyib.
Hadisə Meksikanın Mexiko şəhərində baş verib.
Məlumata görə, 16 yaşlı Mariya Angela Holguin metro stansiyasında anasını gözləyərkən itkin düşüb.
Hüquq-mühafizə orqanlarının əməkdaşları müşahidə kameralarında bir kişinin qızın qolundan tutaraq apardığını görüblər, ancaq qızın könüllü getmədiyi aydın müşahidə edilib. Sonra onlar gözdən itiblər.
Qızın anasının sözlərinə görə, Mariya yoxa çıxmazdan bir qədər əvvəl sanki camaatın içindən kiminsə onu iynə ilə sancdığını deyib və qolundakı ağrılardan şikayətlənib.
Qızı tapmaq üçün axtarış qrupları təşkil edilib.
Üç gündən sonra yerli sakinlərdən biri şəhərin kənarındakı boş ərazidən keçərkən qışqırıq eşidib. Səs gələn tərəfə yönəlib və orada zibil torbasının içində Mariyanı tapıb.
Polisə ifadə verərkən zərərçəkən bir çox yeniyetmə qızlar və gənc qadınlarla birlikdə əsirlikdə olduğunu bildirib.
Qeyd edək ki, Meksikanın İtkin Şəxslər üzrə Milli Komissiyasının məlumatına görə, ölkədə hər gün 7 qadın itkin düşür. Hadisələrin 70 faizindən çoxu 16 yaşlı qızın qaçırıldığı həmin ərazidə baş verib.
Mənbə: El Universal
www.RIA24.az
