Amerikalı milyarder İlon Mask “Twitter”in rebrendinqinin səbəbini izah edib. Onun sözlərinə görə, bu, sosial şəbəkənin konsepsiyasının dəyişməsi ilə əlaqədardır.
Mask bildirib ki, ingilislərin “tweet” (“civildəmək”) sözündən götürülən köhnə ad və loqo yeni konseptdə artıq məna kəsb etmir. Belə ki, əgər sosial şəbəkə əvvəllər qısa “tweet”lər üçün nəzərdə tutulmuşdusa, indi orada, demək olar ki, hər şeyi, o cümlədən bir neçə saatlıq videoları yerləşdirmək mümkün olacaq.
Milyarder, həmçinin, “Twitter”i söz azadlığını təmin etmək və “hər şey üçün tətbiq” yaratmaq məqsədilə aldığını, buna görə də söhbətin yalnız adın dəyişdirilməsindən getmədiyini vurğulayıb. Mask qarşıdakı aylarda funksionallığı daha da genişləndirəcəyini – maliyyəni idarə etmək bacarığının əlavə ediləcəyini, yeni ünsiyyət üsulları yaradacağını vəd verib.
O da vurğulanıb ki, genişmiqyaslı rebrendinqdən sonra “Twitter”də paylaşımlar öyrəşildiyi kimi “tweet” deyil, “iks” adlandırılacaq.
Xatırladaq ki, Mask daha əvvəl x.com domeninin istifadəçilərini avtomatik olaraq “Twitter”ə yönləndirəcəyini bildirmişdi. İyunun 1-də sahibkar “Twitter”ın adını dəyişmək planlarından danışmış, 22-də isə şirkətin loqosunda quş əvəzinə “X” hərfinin olacağını bəyan etmişdi. İyulun 24-də “Twitter” şirkətinin eyniadlı sosial şəbəkədəki rəsmi hesabının adı “X”ə dəyişdirildi, hesabın avatarı da mavi quş yox, qara fonda ağ “X” oldu.
Mənbə: Mk.ru
www.RIA24.az
