Ömrünü 28 il daha uzatmaq istəyənlər spirtli içkilərin istifadəsindən imtina etməlidir. “Express” portalının məlumatına görə, bunu ABŞ-ın Korolina İnstitutunda elmi araşdırma aparan isveçli alimlər açıqlayıb. Onlar 20 il ərzində İsveç, Finlandiya və Danimarkadan olan içki həvəskarlarını müşahidə edib və belə şəxslər arasında ölüm göstəricilərinin daha yüksək olduğunu aşkarlayıblar. Elm adamlarının hesablamalarına əsasən, spirtli içkilərin istifadəsi insan ömrünü 28 il qısaldır. Hətta az miqdarda spirtli içki belə onkoloji, koqnitiv və reproduktiv xəstəliklərə səbəb olur.
