Novosibirskdə (Rusiya) xilasedicilər inanılmaz əməliyyat həyata keçiriblər. Belə ki, onlar buzun altında qalmış avtomobildən 100 kiloqramlıq qadını çıxarıblar.
Bədbəxt hadisə qadının avtomobili ilə Şlyuz mikrorayonunda yaxta klubunun ərazisinə girərkən baş verib: Qəfildən avtomobil buzun üzərində sürüşüb və suya düşüb. Maşın, demək olar ki, tamamilə suyun altında qalıb.
Şahidlər özləri qadını xilas etməyə çalışsalar da, bacarmayıblar və hadisə yerinə Fövqəladə Hallar Nazirliyinin əməkdaşları cəlb olunublar. Gələn mütəxəssislər ön şüşəni sındıraraq zərərçəkəni çıxarıblar.
Tibbi müayinə zamanı qadında hipotermiya (insan bədənində temperaturun aşağı düşməsi) müəyyən edilib.
Məlumata görə, qadın kuryer işləyib və hadisə yerinə naviqatorla gəlib.
Mənbə: “Shot” “Telegram” kanalı
www.RIA24.az
