Amerikalı biznesmen, “Tesla” və “Space X” şirkətlərinin sahibi Mask bəşəriyyətin ən böyük problemi barədə öz düşüncələrini bölüşüb.
Oxu.Az-ın məlumatına görə, bu barədə o, özünün “X” sosial şəbəkə hesabında bir paylaşımın şərhində söz açıb.
Belə ki, “DogeDesigner” ləqəbli istifadəçi bir neçə ölkədə, o cümlədən Yaponiya, Sinqapur, Vyetnam, İtaliya, Niderland, Cənubi Koreya və Çində doğum nisbətlərinin rekord həddə aşağı olduğu barədə hesabat yayımlayıb.
Mask onun paylaşımına cavab olaraq bildirib ki, bəşəriyyətin üzləşdiyi ən böyük problem demoqrafik çöküşdür.
Qeyd edək ki, daha əvvəl Mask dəfələrlə süni intellekt sahəsində aparılan tədqiqatları bəşəriyyət üçün əsas təhlükə adlandıraraq, bu cür tədqiqatların məhdudlaşdırılmalı olduğunu qeyd edib.
The biggest problem that humanity faces is population collapse https://t.co/aFzKMp8FHC
— Elon Musk (@elonmusk) January 3, 2024
www.RIA24.az
