Bu gün Ağstafada hər kəs qəhrəman övladı ilə fəxr edir. Torpağı, bayrağı bütün dəyərlərdən uca tutan, düşmənə qan udduran vətən oğlu. Söhbət Vətən Müharibəsi Qəhrəmanı, Sərhəd Qoşunlarının baş giziri şəhid Azər Yusiflidən gedir.
Füzulinin, Cəbrayılın, Zəngilanın azad olunmasında iştirak edən şəhid ümumilikdə 26 ərazidə Azərbaycan bayrağını ucaldıb.
Azər Yusifli nişanlı olub, illərdir könül verib sevdiyi xanımla ailə quracaqdı.
“Oktyabrda Azərin məzuniyyəti olmalı idi. O, həmişə məzuniyyətini iki yerə bölürdü. Amma bu dəfə toyuna görə bütöv götürmüşdü. Məzuniyyətinin əvəzinə müharibə qismət oldu”, – deyə şəhidin atası Nazim Yusifov deyib.
Hazırda Azərin doğulub boya-başa çatdığı Böyük Kəsik kəndində şagirdlər onun adını daşıyan məktəbdə təhsil alırlar. Həmçinin Ağstafa şəhərinin mərkəzi küçələrindən biri onun adını daşıyır.
Ətraflı Baku TV-nin videosunu təqdim edirik:
