Noyabrın 20-də başlayan “Qardaş yumruğu” Azərbaycan – Türkiyə birgə hərbi təlimində müvəffəqiyyət qazanan iki ölkənin əsgərlərinə Türkiyənin milli müdafiə naziri Hulusi Akar və Azərbaycanın müdafiə naziri Zakir Həsənov tərəfindən mükafatlar təqdim edilib.
Məlumat Türkiyə Milli Müdafiə Nazirliyinin “Twitter” səhifəsində yerləşdirilib.
Qeyd edək ki, Azərbaycan Ordusu və Türkiyə Silahlı Qüvvələrinin müxtəlif qoşun növlərinin şəxsi heyəti, döyüş və xüsusi təyinatlı mühəndis-istehkam texnikası, həmçinin hərbi aviasiya vasitələrinin cəlb olunması ilə keçirilən təlim Bakı şəhərini, eləcə də İranla sərhəd rayonlarının ərazilərini əhatə edir.
Birgə təlimdə əsas diqqət qoşunların qarşılıqlı əlaqədə fəaliyyətləri zamanı döyüş uzlaşmasının təmin edilməsi, idarəetmənin təkmilləşdirilməsi, təcrübə mübadiləsi və şəxsi heyətin peşəkarlığının artırılmasına yönəldilib.
20 Kasım’da başlayan “Kardeş Yumruğu” Azerbaycan-Türkiye Birleşik Müşterek Tatbikatı’nda başarı gösteren iki ülke askerlerine, Millî Savunma Bakanı Hulusi Akar ve Azerbaycan Savunma Bakanı Org. Zakir Hasanov ödüllerini verdi.https://t.co/K01PeDCdJb#MSB #HulusiAkar pic.twitter.com/RbT4YiRZTh
— T.C. Millî Savunma Bakanlığı (@tcsavunma) December 6, 2022
