Ermənistan tərəfindən Arazdəyəndə tikiləcək metallurgiya zavodunun həm insanlara, həm də planetimizə potensial zərərli təsirlərinə və baş verə biləcək ekoloji fəlakətə etiraz olaraq bir sıra ölkələrin vətəndaş cəmiyyəti təşkilatları tərəfindən imzalanan bəyanata qoşulan beynəlxalq QHT-lərin sayı durmadan artır.
“Report” xəbər verir ki, iyunun 29-da müxtəlif ölkələrin 32 qeyri-hökumət təşkilatı tərəfindən imzalanan bəyanatı dəstəkləyənlərin sayı artıq 70-ə yaxınlaşır. Bu, bir daha onu göstərir ki, artıq beynəlxalq ictimaiyyət də Ermənistanın qlobal ekoloji fəlakət törədə biləcəyindən narahatdır.
Qeyd edək ki, bəyanatda Arazdəyəndə tikintisi aparılacaq Ermənistan və ABŞ-nin birgə layihəsi olan metallurgiya zavodunun yeni ekoloji fəlakətə səbəb olacağından narahatlıq ifadə olunur.
Vurğulanır ki, bu irimiqyaslı metallurgiya zavodunun yaradılması ilə Ermənistan beynəlxalq səviyyədə qəbul edilmiş standart və prinsiplərə, xüsusən də Transsərhəd Kontekstdə Ətraf Mühitə Təsirin Qiymətləndirilməsi üzrə BMT-nin Avropa İqtisadi Komissiyası Konvensiyasında (Espo Konvensiyası) ifadə edilənlərə açıq şəkildə məhəl qoymadığını nümayiş etdirir.
Diqqətə çatdırılır ki, Azərbaycan tərəfinin razılığı olmadan sərhəddə belə bir zavodun tikintisi transsərhəd kontekstlərdə ətraf mühitə təsirin qiymətləndirilməsini nəzərdə tutan 1991-ci ildə qəbul olunmuş Espo Konvensiyasının kobud şəkildə pozulması deməkdir. Espo Konvensiyasına uyğun olaraq, zavodun ətraf mühitə təsirinin hərtərəfli qiymətləndirilməsi aparılmalıdır. Tikinti ilə bağlı qiymətləndirmə sənədi Azərbaycanın müvafiq qurumları, ekoloji fəallar tərəfindən rayona yaxın ərazidə yaşayan qonşu azərbaycanlıların rəyi nəzərə alınmaqla nəzərdən keçirilməlidir.
Belə bir zavodun tikintisi insanlara və planetimizə zərər verə bilər. Onun geniş təsirlərini, insan sağlamlığı, ətraf mühit və həqiqi dayanıqlılıq üçün yaratdığı təhlükəni nəzərə alsaq, bu, vətəndaş cəmiyyəti üçün “qırmızı xətt” deməkdir.
Metallurgiya zavodunun zəhərli kimyəvi tullantılarının yerli ekosistemə potensial təsirləri çox böyük ola bilər. Bu ekoloji təsir insan sağlamlığına və həyat təhlükəsizliyinə, fauna və floraya, torpağa, havaya və su strukturlarına mütləq təsir göstərəcəkdir. Tullantıların Araz çayına axıdılması çayda yaşayan canlılar və suvarma üçün Araz suyundan istifadə edən iri təsərrüfatlar üçün narahatlıq yaradır.
Bütün bunlar nəzərə alınaraq, QHT-lər BMT-nin Ətraf Mühit Proqramı, Ümumdünya Səhiyyə Təşkilatı, BMT-nin Ətraf Mühit üzrə Xüsusi Məruzəçisi və BMT-nin Zərərli Maddələr və İnsan Hüquqları üzrə Xüsusi Məruzəçisi kimi müvafiq beynəlxalq təşkilatları bu vəziyyətə reaksiya verməyə və müvafiq tədbirlər görməyə çağırırlar. Bildirilir ki, Ermənistanın davam edən ekoloji pozuntularına son qoyulmalıdır.
Bəyanatda, həmçinin Amerika Birləşmiş Ştatlarına bu riskləri qəbul etməyə və Arazdəyəndə adı çəkilən metallurgiya zavodunun tikintisinə dəstəyi dayandırmağa çağırış yer alır.
Bəyanatı imzalayıblar:
1. Məryəm Daneş, Vaşinqton və Li Universiteti, ABŞ
2. Samir Sah, Vərəm üzrə Vətəndaş Cəmiyyətinin Məsləhətçisi, Birləşmiş Krallıq
3. Ezio Tavora dos Santos Filho, “REDE-TB” təşkilatı, Braziliya
4. Cos Maria Di Bello, GEP Fondu, Argentina
5. Umarov Rüstamcon, ətraf mühit üzrə aktivist, Hiroşima Universitetinin tələbəsi, Yaponiya
6. Svetlana Doltu, AFI QHT-ı, Moldova Respublikası
7. Olya Klimenko, “TBPeopleUkraine” təşkilatı, Ukrayna
8. İnna Gavrilova, İctimai Səhiyyə Alyansı, Ukrayna
9. Sergey Uçayev, “ISHONCH VA HAYOT” QHT-ı, Özbəkistan
10. Nikoloz Mirzaşvili, TBpeople şəbəkəsi, Sakartvelo, Gürcüstan
11. Sok Çamreun Çoub, Xmer İIV/QİÇS QHT Alyansı (KHANA), Kamboca
12. Stiven Anquva Şikoli, Vərəmə qalib gəlmiş Şəxslərin Şəbəkəsi, Keniya
13. Kolins Major Kinyuru, Pamoca Vərəm qrupu, Keniya
14. Cozef Kilonzo, BISC, Keniya
15. Elçin Muxtarlı, Azərbaycan Vərəm əleyhinə QHT Koalisiyası
16. Piter Nqola, “Vot Gənclərin İnkişafı Layihələri” icma-əsaslı təşkilatı, Keniya
17. Çarlz Qvist, “Carepal” Fondu, Qana
18. Pərvanə Vəliyeva, “Sağlamlığa Xidmət” İctimai Birliyi, Azərbaycan
19. Çingiz Ramazanlı, “TBpeople Azərbaycan”, “Vərəmsiz Gələcəyə Doğru” İctimai Birliyi, Azərbaycan
20. Prof. Dr. Zeki Kılıçaslan, “İstanbul Vərəm Savaş Dərnəyi”, Türkiyə
21. Dr. Şemsettin Küzeci, Kərkük Mədəniyyət Assosiasiyasının prezidenti, Türkiyə
22. Abass A Kamara, könüllü, Syerra-Leone Qızıl Aypara Cəmiyyəti, Syerra-Leone
23. Mohmad Hüseyn Lone, İnsan hüquqları üzrə aktivist, İsveçrədə yerləşən Beynəlxalq İnsan Hüquqları Komissiyasının rəsmi könüllüsü, Jammu Kəşmir, Hindistan
24. Kordeliya Adamu, Afrika Ətraf Mühit və Sağlamlıq üzrə İnkişaf Şəbəkəsi, Nigeriya
25. Germain Marius Hepi, diplomat, İsveçrə/Kamerun OSER Humanitar təşkilatının prezidenti, Kamerun
26. Norman Kaqiso Matitinq, Vərəmə Qalib Gəlmiş Şəxslərin Şəbəkəsi, Botsvana
27. Nişant Çavan, İctimai səhiyyə üzrə müstəqil konsultant, Hindistan
28. Filiz Duyar Ağca, Türk Toraks Dərnəyi, Vərəm üzrə İşçi qrupu, Türkiyə
29. Haşim Əbdül Halim, Qərbi Benqal Hökumətinin Səhiyyə və Ailə Rifahı Departamenti, Hindistan
30. Kinz Eman, “Stop Vərəm Tərəfdaşlığı Pakistan”, Pakistan
31. Zişan Əhməd, Puncab Əyaləti üzrə Vərəmə Nəzarət Proqramı, Pakistan
32. Mohmad Hüseyn, Banqladeşin Alergiya və Kliniki İmmunologiya İnstitutu (IACIB), Banqladeş
33. Zəfər Novşad Vani – tuberkulyoz həkimi, Hindistan
34. Şamsiyyə Kukanbetova – “Stop” Tuberkulyoz Tərəfdaşlığı Təşkilatı, Tacikistan
35. Novruzmo Vəzirbəyova – “Stop” Tuberkulyoz Tərəfdaşlığı Təşkilatı, Tacikistan
36. Həbib Hakimov – “Stop” Tuberkulyoz Tərəfdaşlığı Təşkilatı, Tacikistan
37. Hilol Xudonazarov – “Stop” Tuberkulyoz Tərəfdaşlığı Təşkilatı, Tacikistan
38. Rauşan Jeteyeva – Qazaxıstan Ftizipulmonoqlar Assosiyasiyası, Qazaxıstan
39. Erlina Burhan – İndoneziya Respirologiya Cəmiyyəti, İndoneziya
40. Eliyud Emeri – Keniya “Grassroots” Təşkilatları Konsorsiumu, Keniya
41. Samuel İro Timoro – “Turkana Network Trust Action for Disabilitiy” təşkilatı (Fiziki qüsurlular üçün fond), Keniya
42. Kevin Muranqori Maina – Kiongozi Fondu, Keniya
43. Əli Mvayanqa – “Kwale Focus Empowerment” İcma Əsaslı Təşkilatı, Keniya
44. Piter Musyoka – “Twene Mbee” Şəbəkəsi və İnkişaf Qrupu” İcma Əsaslı Təşkilatı, Keniya
45. Fred Vanyonyi – Kənd yerlərinin Gücləndirilməsi İnkişafı Təşkilatı – REDO, Keniya
46. Ebenyo Ome Qodvin Ome – “Okoa” Pastorlarının Yoxsulluğun aradan qaldırılması təşəbbüsü (OPPEİ), Keniya
47. Ridivani Sadiki –Keniyanın Kənd Yerlərinin İnkişafı Naminə Vətəndaş Şəbəkəsi, Keniya
48. Lusi Erika – Qadın Sülh Forumu, Türkana əyaləti, Keniya
49. Elizabet Lotenqan – Qadın Sülh Forumu, Keniya
50. Adunq Zifora Lokere – Lopeo sülh təşkilatı, Keniya
51. Emmanuel Ereqae – Lopeo, Keniya
52. Viklif Alala –Nyakaç Sosial Ədalət Mərkəzi, Keniya
53. Kornelius Loçuç – Todanyatu Təşkilatı, Türkana əyaləti, Keniya
54. Ezekel Odeo –Aqro Ətraf Mühit Fermerləri Assosiasiyası – AGEFA, Bunqoma, Keniya
55. Benson Ekeno Ebei – Türkana Qərb Gənclərinin Gücləndirilməsi Təşkilatı (TUWYE), Keniya
56. Dannis Nataparin Lapur – Keniya Gənclər Təşkilatı, Keniya
57. Paulina Akai Ejore – Keniya Gənclər Federasiyası, Keniya
58. Ol Roselin – Türkana Gəncləri Teatr Təcrübəçiləri Assosiasiyası, Keniya
59. Cozef Nqaukon Açuka – “Ayok” çoxtərəfli inkişaf təşkilatı, Keniya,
60. Baş keşiş Reymond Mutama – “Universal Fellowship” təşkilatı, Keniya
61. Meri Kirima Meri – “Vətəndaş İnkişafı Assosiasiyası 2000”, Keniya
62. Abdişakir Adan Məhəmməd –Afrika Sosial İnkişaf Təşkilatı-ASDEF, Keniya
63. Fatma Abdullahi Əhməd – Qadın Hüquqlarını Müdafiə Təşəbbüsü, Keniya
64. Feyt Kiyema – “Kitui qadınları inkişafda” qurumu, Keniya
65. Silviya Nakadi – “Kamarngole” İcma Əsaslı Təşkilatı, Keniya.
