Azərbaycan Ermənistandan işğal altında saxladığı səkkiz kəndin qaytarılmasını tələb edir.
Ermənistanın rəsmi şəxsləri ilə danışıqlar zamanı da daim bu məsələ qaldırılır. Söhbət Qazax rayonunun yeddi, Naxçıvan Muxtar Respublikasının bir kəndindən gedir.
Muxtar respublikanın Sədərək rayonunun inzibati ərazisinə aid olan Kərki kəndinin işğalından 34 il ötür. 12-14 kilometrlik döyüş zolağı olan Sədərəyin Kərki kəndi Naxçıvanın ermənilər tərəfindən işğal olunan yeganə kəndidir. Kəndin 986 nəfər sakini olub.
