Ərdoğan: “Qondarma soyqırım iddialarında oxşar münasibətlərlə qarşılaşırıq”

“Necə ki, müdafiə sənayesi və hərbi məsələlərdə qətiyyən xaricilərə güvənmirik, kommunikasiya məsələsini də başqalarına həvalə edə bilmərik”.

Bu sözləri Türkiyə Prezidenti Rəcəb Tayyib Ərdoğan İstanbulda keçirilən Türk Şurası Media Forumuna göndərdiyi video mesajda deyib.

O qeyd edib ki, Qarabağ müharibəsi ölkələrimiz və türk dünyası ilə bağlı faktlara qarşı tətbiq olunan mətbuat embarqosunun nə birinci, nə də son nümunəsidir:

“Tariximizi, milli təhlükəsizliyimizi və millətimizin dəyərlərini hədəf alan bir çox məsələlərdə, xüsusən də qondarma soyqırım iddialarında oxşar münasibətlərlə qarşılaşırıq. Yaşadığımız acı təcrübələrimizin işığında hamımız bu həqiqəti aydın və dəqiq görə bilirik. Bizə insan hüquqları, demokratiya və azadlıq dərslərini şərqşünas nöqteyi-nəzərindən öyrədənlərin vicdanına və peşə etikasına etibar edə bilmərik. Digər strateji məsələlərdə olduğu kimi, media və kommunikasiya sahəsində də qərarı özümüz verməliyik”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir