Belarus Milli Kitabxanasında Heydər Əliyevin anım gününə həsr olunmuş videoproeksiya nümayiş olunub – FOTO

Belarus paytaxtının əsas simvollarından biri olan Minskdəki Milli Kitabxananın binası Azərbaycan bayrağının rəngləri ilə işıqlandırılıb.

Azərbaycanın Belarusdakı səfirliyi və Ticarət Evinin təşəbbüsü ilə keçirilən anım aksiyası Azərbaycanın xilaskarı, xalqımızın dahi oğlu, Ümummilli Lider, müstəqil Azərbaycan dövlətinin memarı və qurucusu, dünya şöhrətli siyasi xadim Heydər Əliyevin xatirəsinə həsr olunub.

“12 dekabr Ümummilli Lider Heydər Əliyevin anım günüdür”, – binanın üzərində yerləşdirilən məlumatda qeyd olunub.

Videoproeksiya vətəndaşlar tərəfindən maraqla qarşılanıb.

Mənbə: Trend.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir