Ceyhun Bayramov Fransa prezidentliyinə namizədin Xankəndinə qanunsuz səfərinə münasibət bildirib

“Azərbaycanın ərazi bütövlüyünə hörmətsizlik edən hər bir şəxs Azərbaycanın “qara siyahısına” daxil edilir”.

Bunu Azərbaycanın xarici işlər naziri Ceyhun Bayramov XİN-in 2021-ci il üzrə hesabatının təqdimatında söyləyib.

Fransa prezidentliyinə Respublikaçılar Partiyasının namizədi Valeri Pekrezin Azərbaycanın Rusiya sülhməramlılarının müvəqqəti nəzarəti altında olan Xankəndi şəhərinə qanunsuz səfərinə münasibət bildirən nazir vurğulayıb ki, bu, Fransada gedən siyasi proseslərin tərkib hissəsidir: “Lakin başa düşməliyik ki, bu, Fransa siyasətinin daxili gündəm məsələsidir”.

Nazirin sözlərinə görə, Fransa prezidentliyinə namizədlə birgə Qarabağa qanunsuz səfər edənlərin adları da Azərbaycanda arzuolunmaz şəxslər siyahısına daxil edilib.

Qeyd edək ki, dekabrın 22-də Fransanın İl-dö-Frans regionunun prezidenti, Fransada keçiriləcək prezident seçkilərinə Respublikaçılar Partiyasının namizədi Valeri Pekrez Azərbaycan Respublikasının Xankəndi şəhərinə qanunsuz səfər edib. Buna görə Azərbaycan XİN Fransaya nota verib. Eyni zamanda V.Pekrezin adı Azərbaycanın arzuolunmaz şəxslər siyahısına daxil edilib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir