“Cənab Prezidentin tapşırığına əsasən, dövlət büdcəsinin sosialyönümlülüyünə növbəti ildə də nail olunub. Sosial xərclərin xüsusi çəkisi dövlət büdcəsində 38,9 faiz təşkil edəcək”.
“Report” xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında gələn ilin dövlət və icmal büdcələrinin müzakirəsi zamanı Maliyyə naziri Samir Şərifov deyib.
Onun sözlərinə görə, 806 milyon manat məbləğində yerli gəlir gözlənilir:
“Gələn ildə də öz gəlirləri hesabına xərclərini təmin edən şəhər və rayonların sayı isə 42-yə çatacaq”.
