“Ermənistan Laçın yolundakı durumla bağlı dünyanı aldada bilməz”.
Bunu Azərbaycanın NATO-dakı nümayəndəsi Cəfər Hüseynzadə “Twitter” hesabında yazıb.
O bildirib ki, Ermənistanın Laçın yolunun blokadaya alınmasına dair iddiaları yalandır:
“Onların heç bir sübutu yoxdur”.
Qeyd edək ki, Qarabağda faydalı qazıntı yataqlarının qanunsuz istismarı əleyhinə Şuşadan keçən Xankəndi-Laçın yolundakı etiraz aksiyası 51 gündür davam edir.
Belə ki, Şuşa ərazisində Rusiya sülhməramlılarının nəzarətində olan yolun bir hissəsində etiraz aksiyası azərbaycanlı fəallar və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələbi ilə keçirilir.
2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb.
Can’t deceive the world on blockade #Lachin road by #Azerbaijan.
50 days passed, NO evidence presented by #Armenia on alleged #Lachin road blockade, but lies.
International Court of Justice in Hague! pic.twitter.com/lKmUv0HFmf— Jafar Huseynzada 🇦🇿 (@JafarHuseynzade) January 31, 2023
www.RIA24.az
