Ermənistanın baş naziri Nikol Paşinyan erməni jurnalistin “Ermənistanın Azərbaycan SSR ərazisi daxilində Azərbaycanı tanımağa hazır olması ilə bağlı bəyanatı Qarabağın Azərbaycanın bir hissəsi kimi tanınması deməkdirmi?” sualına cavabında bildirib ki, Madrid prinsiplərinə əsasən artıq Ermənistan Qarabağı Azərbaycanın bir hissəsi kimi tanıyıb.
Bu barədə “Caliber” layihəsinin növbəti süjetində deyilir.
“Problem də elə budur. Biz beynəlxalq və geosiyasi reallıqla heç bir əlaqəsi olmayan arzuolunan reallıq yaratdıq. Və indi biz əsl reallıqla üz-üzə qalmalıyıq”, – Paşinyan bildirib.
Videomaterialda qeyd olunur ki, baş nazirin bu sözləri ölkənin keçmiş hakimiyyəti düşərgəsində qəzəb doğurub. Onlar yenidən köhnə fırıldaqçılıqlarına əl ataraq Madrid prinsiplərini qondarma rejimin “müstəqilliyinin yol xəritəsi” adlandırıblar.
www.RIA24.az
