“Avropa İttifaqının Ermənistandakı missiyası atəşə məruz qalmayıb”.
Bunu Avropa İttifaqının (Aİ) Ermənistandakı missiyası bu ölkənin Müdafiə Nazirliyinin məlumatını şərh edərkən bildirib.
Bundan əvvəl Ermənistan Müdafiə Nazirliyi Azərbaycan Silahlı Qüvvələrinin bölmələrinin guya Ermənistandakı Aİ müşahidəçiləri istiqamətində atəş açdığını bəyan etmişdi.
“Heç bir EUMA patrulu (Aİ missiyası – red.) atəşə məruz qalmayıb. Biz Ermənistan-Azərbaycan sərhədinin ərazilərində patrul xidməti həyata keçiririk və Brüsseli hərbi hadisələr, o cümlədən məsuliyyət zonamızda baş verən atışmalarla bağlı məlumatlandırırıq”, – Aİ missiyasının “X” sosial şəbəkəsindəki paylaşımında deyilir.
❌No #EUMA patrol has been the target of shooting.
ℹ️ We patrol alongside the 🇦🇲-🇦🇿 border areas and report to 🇪🇺Brussels on military developments, including shooting incidents in our area of responsibility. pic.twitter.com/I5Ojkset7w
— European Union Mission in Armenia (@EUmARMENIA) August 15, 2023
www.RIA24.az
