Prezident İlham Əliyev özəl investisiyaların cəlb edilməsi nəzərdə tutulan dövlət müəssisələrinin siyahısını təsdiq edib.
President.az-ın xəbərinə görə, dövlət başçısının bununla bağlı imzaladığı 2023-cü il 31 avqust tarixli Sərəncama görə, aşağıdakı dövlət müəssisələrinə özəl investisiyalar cəlb oluna bilər:
1. “Azərbaycan Beynəlxalq Bankı” Açıq Səhmdar Cəmiyyəti.
2. Azərbaycan Respublikası Rəqəmsal İnkişaf və Nəqliyyat Nazirliyinin tabeliyindəki:
2.1. “Bakı Telefon Rabitəsi” Məhdud Məsuliyyətli Cəmiyyəti;
2.2. “Aztelekom” Məhdud Məsuliyyətli Cəmiyyəti.
3. “Azərbaycan Xəzər Dəniz Gəmiçiliyi” Qapalı Səhmdar Cəmiyyəti.
4. “AzerGold” Qapalı Səhmdar Cəmiyyəti.
5. Azərbaycan Respublikası Dövlət Neft Şirkətinin strukturuna daxil olan:
5.1. “Azərikimya” İstehsalat Birliyi (Etilen-Polietilen zavodu);
5.2. Karbamid zavodu;
5.3. Metanol zavodu.
www.RIA24.az
