“Biz elə bir yerdəyik ki, haqqında çox eşitmişik, az görmüşük, amma hər zaman Ukrayna ilə paralellər aparmışıq. Çünki Azərbaycan da Ukrayna kimi qəlbində çapıqla yaşayıb. Axı onun da torpaqları ələ keçirilmişdi, işğal olunmuşdu… Bütün xalq bu ərazilərin qaytarılmasını arzulayırdı, ancaq uzun illər ona qovuşa bilmədi. Bu, Qarabağın Azərbaycanın tərkibinə geri alınmasına qədər davam elədi”.
Oxu.Az-ın məlumatına görə, bu barədə məşhur ukraynalı teleaparıcı, həmçinin “YouTube”da “Kurbanova Live” layihəsinin müəllifi Alyona Kurbanovanın Qarabağdan hazırladığı “Azərbaycanın Zəfər paradı bütün dünyanı heyran etdi” adlı xüsusi reportajında bildirilir.
Süjetdə Azərbaycan Ordusunun inkişafından və düşmənə sarsıdıcı zərbə vurmasından, ədalətin bərqərar olmasından, Şuşa haqqında, bu şəhərin qələbənin simvoluna çevrilməsindən, həmçinin, işğaldan azad edilən torpaqlarda bərpa-quruculuq işlərindən, insanların öz evlərinə qayıtmasından – bir sözlə, Qarabağ və onun taleyindən danışılır.
Ətraflı reportajda:
www.RIA24.az
