Xankəndi şəhəri və Xocalı rayonu yeni yaradılan Qarabağ iqtisadi rayonunun tərkibinə daxil edilib.
Bu barədə Prezident İlham Əliyevin “Azərbaycan Respublikasında iqtisadi rayonların yeni bölgüsü haqqında” imzaladığı fərmanında bildirilib.
Qarabağ iqtisadi rayonunun tərkibinə Xankəndi və Xocalı ilə yanaşı Ağcabədi, Ağdam, Bərdə, Füzuli, Xocavənd, Şuşa və Tərtər rayonları daxildir.
Qeyd edək ki, bundan əvvəl Xankəndi şəhəri Yuxarı Qarabağ iqtisadi rayonunun tərkibinə daxil edilib. Azərbaycan Prezidentinin bugünkü fərmanı ilə həmin iqtisadi rayon ləğv olunub.
