Azərbaycanın xarici işlər naziri Ceyhun Bayramov ATƏT Xarici İşlər Nazirləri Şurasının Skopyedə keçirilən 30-cu iclası çərçivəsində Monteneqronun xarici işlər naziri Filip İnvanoviçlə görüşüb.
Bu barədə Azərbaycan XİN rəhbərinin “X” hesabında məlumat verilib.
Nazirlər ikitərəfli və çoxtərəfli əməkdaşlığın perspektivləri, regional və beynəlxalq təhlükəsizlik məsələləri ətrafında qarşılıqlı maraq doğuran məsələlər barədə fikir mübadiləsi aparıblar.
“İki ölkə arasında iqtisadiyyat, ticarət, enerji təhlükəsizliyi daxil olmaqla potensial əməkdaşlıq sahələrini müzakirə etdik. Azərbaycanın regionda sülhün bərqərar olması, yenidənqurma və reinteqrasiya istiqamətində göstərdiyi səylər barədə məlumat verildi”, – deyə C.Bayramovun paylaşımında vurğulanıb.
During #OSCEMC2023, I had a productive meeting with @FIvanovicpg, FM of #Montenegro. We discussed potential areas of cooperation including economy, trade, energy security between 🇦🇿-🇲🇪. Informed about #Azerbaijan‘s peace, reconstruction and reintegration efforts in the region. pic.twitter.com/xDPHrgJDZq
— Jeyhun Bayramov (@Bayramov_Jeyhun) December 1, 2023
www.RIA24.az
