Azərbaycan Prezidenti İlham Əliyev Belçika Kralı Əlahəzrət Filipə başsağlığı məktubu ünvanlayıb.
Bu barədə AZƏRTAC məlumat yayıb.
Məktubda deyilir:
“Əlahəzrət,
Ölkənizdə baş vermiş daşqınlar nəticəsində çox sayda insanın həlak olması və dağıntılar barədə xəbər məni olduqca sarsıtdı.
Baş vermiş faciə ilə əlaqədar Sizə, həlak olanların ailələrinə və yaxınlarına, bütün Belçika xalqına öz adımdan və Azərbaycan xalqı adından dərin hüznlə başsağlığı verir, yaralananların tezliklə sağalmasını diləyirəm”.
