Keçən ilin payızında Qarabağda müharibə başlayanda demək olar ki, bütün Orta Asiya ölkələri, o cümlədən Özbəkistan Azərbaycanın tərəfində oldu, Bakını həm mənəvi, həm də siyasi cəhətdən dəstəklədi.
Bunu özbək analitik, siyasi elmlər doktoru, “Bilim Karvoni” qeyri-dövlət elm müəssisəsinin direktoru Fərhod Tolipov Caliber.Az-a müsahibəsində bildirib.
Bu məsələdə Beynəlxalq hüququn da Azərbaycanın tərəfində olduğunu qeyd edən müsahib müharibə bitdikdən sonra Özbəkistan Prezidenti Şavkat Mirziyoyevin döyüşlərin uğurla başa çatması və ərazilərin geri qaytarılması münasibətilə Azərbaycan Prezidenti İlham Əliyevi təbrik etdiyini xatırladıb.
“Bu, iki qardaş xalqın – Özbəkistan və Azərbaycan xalqlarının birliyini göstərir”, – deyə F.Tolipov sözlərini yekunlaşdırıb.
