“2023-cü ildə Azərbaycanda 178 qəsdən adam öldürmə cinayəti qeydə alınıb”.
Oxu.Az-ın məlumatına görə, bunu baş prokuror Kamran Əliyev prokurorluq orqanları tərəfindən 2023-ci ildə görülmüş işlərin vəziyyəti və qarşıda duran vəzifələrin müzakirəsinə həsr olunmuş Geniş Kollegiya iclasında bildirib.
Onun sözlərinə görə, bu rəqəm 2022-ci ildə 171 olub:
“2023-ci ildə 65 qəsdən adam öldürməyə cəhd və 318 qəsdən sağlamlığa ağır zərər vurma cinayəti baş verib. 2023-cü ildə 19 zorlama hadisəsi olub ki, 2022-ci ildə bu rəqəm 15 idi”.
O əlavə edib ki, 2023-cü ildə 317 mənimsəmə və israf etmə, 6951 oğurluq, 5622 dələduzluq, 204 soyğunçuluq, 71 quldurluq, 10057 narkotik vasitələrin qanunsuz dövriyyəsi ilə bağlı cinayət baş verib”.
İlhamə Əbülfət
www.RIA24.az
