Azərbaycanda növbədənkənar prezident seçkisində səsvermə prosesi davam edir.
Oxu.Az xəbər verir ki, bu dəqiqələrdə Azərbaycanın xarici işlər naziri Ceyhun Bayramov Bakı şəhərinin 7 saylı Səbail seçki dairəsinin 4 saylı məntəqəsində səs verib.
C.Bayramov prosedurlara uyğun olaraq, qeydiyyatdan keçib, seçki bülletenini alıb. Daha sonra kabinəyə keçərək öz namizədinə səs verib və bülleteni qutuya atıb.
Qeyd edək ki, 7 saylı Səbail seçki dairəsinin 4 saylı məntəqəsində 819 seçici qeydiyyata alınıb. Məntəqə sədri Məmməd Bəşirovdur.
08:12
Bu gün Azərbaycanda növbədənkənar prezident seçkisi keçirilir.
Oxu.Az xəbər verir ki, seçki prosesinin başladığı ilk dəqiqələrdən Bakı şəhərinin 7 saylı Səbail seçki dairəsinin 4 saylı məntəqəsində seçici aktivliyi müşahidə edilir.
Səsverməyə gələn hər bir seçici, ilk olaraq, qeydiyyatdan keçir, seçki bülletenlərini götürərək seçdikləri namizədə səs verirlər.
Məntəqədə səsvermənin gedişini qeyri-hökumət təşkilatlarının, müxtəlif siyasi partiyaların və prezidentliyə namizədlərin nümayəndələri ilə yanaşı, xarici müşahidəçilər də izləyirlər.
Əzizə İsmayılova
www.RIA24.az
