“Xəzər dənizinin dibinin bölünməsi məsələsi Avropa İttifaqı üçün maraqlı olmalıdır”.
Oxu.Az-ın məlumatına əsasən, bunu Serbiyanın sabiq Prezidenti Boris Tadic VIII Qlobal Bakı Forumunun “Qərbi Balkanların dəyərləndirilməsi: irəliyə gedən yol” panel müzakirələrində çıxışı zamanı deyib.
O, Qarabağ münaqişəsinin həlli məsələsinə də toxunub: “Qarabağ münaqişəsi hərbi yolla həll edildi, bu, regionda vəziyyəti dəyişdi”.
Eks-prezident deyib ki, Avropa İttifaqı ölkələri iqtisadi böhrandan çıxa bilmirlər:
“Avropa İttifaqı ölkələri miqrasiya böhranına məruz qaldı. Bu, Avropa İttifaqında çətin siyasi vəziyyətə səbəb oldu. Bu qurum strateji problemlərlə üzləşib. Artıq Avropa İttifaqına ümid bəslənilmir”, – deyə o əlavə edib.
Aqşin Kərimov
