Azərbaycan Xarici İşlər Nazirliyi (XİN) Qoşulmama Hərəkatının sədri qismində Azərbaycan Prezidenti İlham Əliyevin təşəbbüsü ilə təqdim edilmiş bütün ölkələrin COVID-19 vaksinlərinə hərtərəfli çıxışının təmin edilməsi ilə bağlı qətnaməyə verilən dəstəyə görə BMT ölkələrinə minnətdarlığını bildirib.
Bu barədə Azərbaycan XİN-in Mətbuat Xidməti İdarəsinin rəisi Leyla Abdullayeva “Twitter” səhifəsində yazıb.
“Qoşulmama Hərəkatı adından Azərbaycan Prezidentinin təşəbbüsü ilə irəli sürülmüş və Baş Assambleyanın qəbul etdiyi “Bütün ölkələrin COVID-19-a qarşı peyvəndlərə ədalətli, əlçatan, vaxtlı-vaxtında və hərtərəfli çıxışının təmin edilməsinə dair” qətnaməni dəstəkləmiş BMT-yə üzv ölkələrə minnətdarlığımızı bildiririk”, – paylaşımda deyilir.
❗️We thank all #UN member states supporting the resolution on “Ensuring equitable, affordable, timely & universal access for all countries to vaccines in response to the #COVID19” tabled upon the initiative of ?? @presidentaz on behalf of #NAM & adopted by the General Assembly. pic.twitter.com/3fkVpFxMPO
— Leyla Abdullayeva (@LAbdullayevaMFA) November 19, 2021
