Pakistanın Azərbaycandakı səfirliyi Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğrayan Dövlət Sərhəd Xidmətinin hərbi helikopterində həlak olanlarla bağlı Azərbaycan tərəfinə başsağlığı verib.
Diplomatik nümayəndəlik 14 peşəkar hərbçinin həlak olması ilə nəticələnən faciəvi qəzadan kədərləndiyini bildirib və şəhidlərin cənnətdəki məqamlarının uca olmasını diləyib.
“Hüznlü ailələr və qardaş Azərbaycan xalqı üçün dua edirik”, – deyə səfirliyin rəsmi “Twitter” hesabında dərc olunan başsağlığında bildirilib.
We are saddened by the news of tragic crash of #Azerbaijani helicopter resulting in loss of 14 fine young officers. May Allah bless the Shaheeds with a high status in Jannah. Our prayers for the grieving families and people of brotherly Azerbaijan pic.twitter.com/8wqHFyeLZf
— Pakistan Embassy Azerbaijan (@PakinAzerbaijan) November 30, 2021
