Bakı. Trend:
Prezident Trampla ilk görüşümüz çox mehriban, səmimi və nəticəyə
yönümlü oldu.
Trend-in məlumatına görə, bu fikri Azərbaycan Prezidenti İlham
Əliyev Vaşinqtonda Azərbaycan mətbuatına müsahibəsində deyib.
Dövlətimizin başçısı qeyd edib ki, onun Prezident Trampa şəxsi
münasibəti həmişə çox müsbət olub. “O, Azərbaycan xalqı kimi ailə
dəyərlərini qiymətləndirən insandır”, – deyə Prezident İlham Əliyev
əlavə edib.
