21 iyul 2022-ci il tarixində Azərbaycan Respublikasının Qətər Dövlətindəki Səfiri Rəşad İsmayılov Dohada yerləşən “Qatara” mədəniyyət şəhərciyinin baş direktoru Khalid Al-Sulayti ilə görüşüb.
Oxu.Az xəbər verir ki, görüş zamanı Azərbaycan ilə “Qatara” arasında mədəni əlaqələrin inkişafı, qarşılıqlı əməkdaşlıq, mədəniyyət sahəsində gələcək perspektivlər ətrafında müzakirələr aparılıb.
Xatırlatmaq istərdik ki, 2021-ci ilin sentyabr ayında “İçərişəhər” Dövlət Tarixi Memarlıq Qoruğu İdarəsi və “Katara” Mədəniyyət Şəhərciyi Fondu arasında əməkdaşlıq haqqında Anlaşma Memorandumu imzalanıb.
Həmçinin, 08 dekabr 2021-ci il tarixində “Qatara” mədəniyyət şəhərciyində Azərbaycan-Qətər dostluq əlaqələrini təcəssüm edən “Qardaşlıq” abidəsinin açılışı olub.
