“Yol hərəkətini təhlükəyə atmaq”, “Dayan əmrinə tabe olmamaq” və “İctimai vəzifəli şəxsə müqavimət göstərmək” ittihamları ilə saxlanılan Dilan Çıtak polis idarəsindəki prosedurlardan sonra prokurorluq tərəfindən məhkəməyə çıxarılıb. Çıtakın prokurorluqda verdiyi ifadədə haqqında irəli sürülən ittihamları qəbul etmədiyi və “Panikaya düşdüm, stress yaşadım” dediyi öyrənilib. O, məhkəmə qərarı ilə məhdudiyyətli azadlıqda saxlamaq şərti ilə sərbəst buraxılıb.
———-
27 iyul 2025
Türkiyənin tanınmış sənətçisi İbrahim Tatlısesin qızı Dilan Çıtak Bodrumda polis əməkdaşının “dayan” əmrinə tabe olmayaraq avtomobilini onun üzərinə sürüb.
Milli.Az xəbər verir ki, hadisə iyulun 27-də Bodrumda qeydə alınıb.
Yerüstü patrul xidməti Dilan Çıtakın idarə etdiyi nəqliyyat vasitəsini sürət həddini aşdığı və yol hərəkəti qaydalarını pozduğu üçün saxlamaq istəyib. Lakin sürücü polis əməkdaşının xəbərdarlığına məhəl qoymayaraq avtomobilini dayandırmayıb və onu birbaşa polis əməkdaşının üstünə sürüb.
Hadisə zamanı polis əməkdaşı xidməti silahından istifadə edərək havaya xəbərdarlıq atəşi açıb. Dilan Çıtak hadisə yerindən uzaqlaşmağa çalışsa da, qısa müddət sonra polis tərəfindən saxlanılıb və ifadə vermək üçün bölməyə aparılıb.
Faktla bağlı araşdırma aparılır.
İsmayıl
Milli.Az
