Suriyanın İdlib vilayətinin Maarat-Misrin yaşayış məntəqəsi yaxınlığındakı sursat anbarında baş verən partlayış nəticəsində 7 nəfər ölüb, 100-ə yaxın insan yaralanıb.
“Report” “Syria TV”yə istinadən xəbər verir ki, bu barədə İdlib vilayətinin səhiyyə departamentinin direktoru Samer Ərəbi məlumat verib.
Onun sözlərinə görə, partlayış çadır şəhərciklərinin yanında olub və bu, çoxlu sayda insan tələfatına səbəb olub.
Mülki Müdafiə Xidmətindən bildirilib ki, partlayış nəticəsində tikiş fabrikində çalışan 6 texniki mütəxəssis yaralanıb.
Partlayışın səbəbləri araşdırılır.
Suriyanın İdlib vilayətinin Maarat-Misrin yaşayış məntəqəsində baş verən partlayış nəticəsində ən azı dörd nəfər həlak olub, daha 116 nəfər yaralanıb.
“Report” xəbər verir ki, bu barədə SANA agentliyinə ölkənin Səhiyyə Nazirliyinin mətbuat xidmətindən bildirilib.
Onların arasında qadınlar və uşaqlar var.
Məlumata görə, bunlar ilkin məlumatlardır, ölənlərin sayı arta bilər. Xilasetmə briqadaları hadisə yerində işləyir.
Sursat anbarında baş verən partlayışın səbəbləri araşdırılır.
Suriyanın İdlib vilayətində partlayış baş verib.
Bu barədə “Report” “Al Arabiya”ya istinadən məlumat verir.
Partlayış Maarrat-Misrin bölgəsində baş verib. Məlumata görə, bir neçə nəfər həlak olub.
Partlayışın səbəbi hələlik müəyyən edilməyib.
