Qazaxıstan Prezidenti Kasım-Jomart Tokayev ölkənin müdafiə naziri Dauren Kosanova ordunun döyüş potensialının səviyyəsinin artırılmasını təmin etməyi tapşırıb.
“Report”un Qazaxıstan bürosunun məlumatına görə, bu barədə Akorda məlumat yayıb.
Bundan başqa, K.J.Tokayev müdafiə naziri ilə görüşdə hava hücumundan müdafiə (HHM), ərazi qoşunları, pilotsuz uçuş aparatları bölmələri və hərbi infrastrukturun inkişafına xüsusi diqqət yetirib.
