Bakı. Trend:
ABŞ-də hazırda 100 mindən çox insan orqan nəqli üçün gözləmə
siyahısındadır. Onların böyük əksəriyyətinin böyrək
transplantasiyasına ehtiyacı var və hər il minlərlə xəstə uyğun
donor tapılmadığı üçün həyatını itirir.
Trend bu
barədə xarici KİV-ə istinadən xəbər verir.
Qeyri-kommersiya Böyrək Transplantasiyası Kollaborativinin
federal məlumatlar əsasında apardığı təhlilə görə, 2024-cü ildə
əvvəlki illə müqayisədə 116 fakt daha az böyrək transplantasiyası
əməliyyatı icra olunub. Rəqəm ilk baxışdan kiçik görünsə də,
mütəxəssislər bu azalmanı təhlükəli tendensiya kimi
qiymətləndirir.
Təhlildə qeyd olunur ki, azalma həyat əlamətləri göstərməsinə
baxmayaraq orqan köçürülməsinə hazırlaşan bəzi xəstələrlə bağlı
nadir, lakin ciddi risklər səbəbindən baş verib. Bu hallar
transplantasiya prosesində əlavə ehtiyat tədbirlərinin görülməsinə
zərurət yaradıb.
Nəticədə bir sıra planlaşdırılan transplantasiya əməliyyatları
müvəqqəti dayandırılıb. ABŞ səlahiyyətli qurumları hər il on
minlərlə insanın həyatını xilas edən transplantasiya sistemində
əlavə təhlükəsizlik mexanizmləri üzərində işləyir.
Lakin yaranmış vəziyyət ictimaiyyətin etimadına mənfi təsir
göstərib. Bildirilir ki, bəzi vətəndaşlar baş verənlərdən sonra
adlarını orqan donorları siyahısından çıxarmağa qərar veriblər, bu
isə gələcəkdə transplantasiya imkanlarını daha da məhdudlaşdıra
bilər.
