Bakı. Trend:
“Apple” şirkəti mülkiyyətindəki “A18 Pro” mikroprosessoruna
əsaslanan yeni “MacBook” noutbuku üzərində işləyir.
Trend-in
məlumatına görə, bu barədə “Bloomberg” agentliyi xəbər verib.
Məlumata əsasən, yeni məhsul mart ayında təqdim olunacaq və bir
neçə unikal rəng seçimində əlçatan olacaq.
Son zamanlarda medianın diqqəti flaqman “M5 Pro” və “M5 Max”
çipləri və OLED displeyləri ilə gələcək “MacBook Pro”lara yönəlib.
Bununla belə, əlverişli “MacBook” da maraqlı yeni məhsuldur. Onun
sistemi “Mac” üçün optimallaşdırılmış “Apple Silicon” prosessoruna
deyil, flaqman “iPhone 16” modellərində istifadə edilən “A18 Pro”
çipinə əsaslanacaq. Bu noutbuk performans baxımından “MacBook
Air”dən daha zəif olsa da, onu tamamilə cəlbedici olmayan məhsul
adlandırmaq olmaz.
