Bakı. Trend:
Gürcüstan Dəniz Nəqliyyatı Agentliyinin direktoru İvane Abaşidze
və Azərbaycanın baş konsulu Fuad Əzizov Orta Dəhlizin
gücləndirilməsini müzakirə ediblər
Trend-in
məlumatına görə, bu barədə Gürcüstan Dəniz Nəqliyyatı Agentliyinin
direktoru İvane Abaşidze sosial şəbəkə səhifəsində yazıb.
“Azərbaycanın baş konsulu Fuad Əzizovla görüş zamanı ölkələrimiz
arasında dəniz nəqliyyatı və logistika sahəsində davam edən
əməkdaşlığı, eləcə də regional əlaqələrin gücləndirilməsinə dair
daha geniş baxışı müzakirə etdik. Avropa ilə Asiya arasında
tədricən sürətli, etibarlı və əvəzolunmaz tranzit marşrutuna
çevrilən Orta Dəhlizin strateji əhəmiyyətinə xüsusi diqqət
yetirilib”, – deyə paylaşımda bildirilib.
Qeyd olunub ki, Gürcüstan və Azərbaycanı təkcə coğrafi yaxınlıq
deyil, həm də ortaq bir məqsəd birləşdirir: ticarət səmərəliliyini
artıran, regional sabitliyi gücləndirən və iqtisadi artımı təşviq
edən davamlı, multimodal dəhliz qurmaq.
“Görüşdə Dəniz Nəqliyyatı Agentliyinin direktor müavini Natia
Miminoshvili və vitse-konsul Məxbubə Namazova da iştirak ediblər.
Ölkələrimiz arasında əməkdaşlığın daha da dərinləşdirilməsinə və
regional bağlantının gücləndirilməsinə bundan sonra da hazır
olduğumuzu təsdiqlədik”, – deyə bildirilib.
Xatırladaq ki, Orta Dəhliz regionun bir neçə ölkəsindən keçən və
Asiyanı Avropa ilə birləşdirən nəqliyyat ticarət yoludur. O,
ənənəvi Şimal və Cənub Dəhlizlərinə alternativ kimi xidmət
edir.
Marşrut Çindən başlayır və Qazaxıstan, Özbəkistan və
Türkmənistan kimi Orta Asiya ölkələrindən keçir. Daha sonra Xəzər
dənizini, Azərbaycanı, Gürcüstanı və Türkiyəni keçərək Avropaya
çıxır. Orta Dəhliz, Çin də daxil olmaqla, Şərqi Asiyanı Avropa ilə
birləşdirən daha uzun dəniz yollarını keçərək quru yoludur.
