Gəncə şəhərində avtomobil ilə mopedin toqquşması nəticəsində xəsarət alan var.
Modern.az-ın məlumatına görə, hadisə şəhərin mərkəzində baş verib. Hərəkətdə olan minik avtomobili ilə moped toqquşub.
Qəza zamanı mopedin sürücüsü, 2008-ci il təvəllüdlü F. Hüseynov xəsarət alaraq xəstəxanaya yerləşdirilib.
İlkin məlumata əsasən, moped kuryer kimi fəaliyyət göstərib.
Hadisə yerinə polis əməkdaşları cəlb olunub, faktla bağlı araşdırma aparılır.
