Bakı. Trend:
Təmir-bərpa işləri ilə bağlı Bibiheybət yolunda nəqliyyat
vasitələrinin hərəkəti müvəqqəti olaraq tam məhdudlaşdırılacaq.
Bu barədə Trend-ə Azərbaycan Avtomobil Yolları Dövlət
Agentliyindən (AAYDA) bildirilib.
Məhdudiyyət 13 aprel saat 10:00-dan 15 aprel saat 07:00-dək
qüvvədə olacaq.
Göstərilən müddət ərzində sürücülər alternativ olaraq köhnə
Salyan şosesindən istifadə edə bilərlər.
