Bakı.Trend:
Zığ dairəsi-Hava Limanı yolunda ölümlə nəticələnən yol-nəqliyyat
hadisəsi baş verib.
Bu barədə Trend-ə Nəqliyyatın İntellektual İdarəetmə Mərkəzindən
(NİİM) məlumat verilib.
Bildirilib ki, yük maşını yolun hərəkət hissəsində məcburi
dayandığı zaman qəza dayanma işıq siqnalı yandırmayıb. Bu zaman
digər nəqliyyat vasitəsi yük maşınına çırpılıb.
Qəza nəticəsində bir nəfər ölüb, iki nəfər isə xəsarət alıb.
