Erməni siyasətçi Suren Surenyants ölkədə idman və siyasi rəhbərliklə bağlı tənqidi fikirlər səsləndirib.
Modern.az xəbər verir ki, o, açıqlamasında Baş nazir Nikol Paşinyanı sərt şəkildə tənqid edib və onun dövlət vəzifəsində qalmasının sual doğurduğunu bildirib.
Surenyants qeyd edib ki, onun fikrincə, İkinci Qarabağ müharibəsinin nəticələrinə görə məsuliyyət daşıyan Paşinyan vəzifədə qala bildiyi halda, erməni idmanının inkişafında rol oynadığını iddia etdiyi Qaqik Tsarukyanın Milli Olimpiya Komitəsinin prezidenti olmasına maneə yaradılması anlaşılmazdır.
