Gürcüstan parlamentinin sədri Şalva Papuaşvili Milli Məclisin sədri Sahibə Qafarova ilə görüşüb.
Modern.az xəbər verir ki, bu barədə gürcü spiker X hesabında paylaşım edib. Görüş İstanbulda keçirilən Parlamentlərarası İttifaqın 152-ci Assambleyası çərçivəsində baş tutub. Tərəflər iki ölkə arasında mövcud olan fəal parlamentlərarası əməkdaşlığı alqışlayıb.
“Biz bölgəmizdə sülh prosesini müzakirə etdik və strateji enerji layihələrinin irəlilədilməsinin vacibliyini vurğuladıq”, – Papuaşvili yazıb.
Spiker Sahibə Qafarovanı Gürcüstan parlamentinin bu yaxınlarda təsis etdiyi Fəxri medalla təltif edib.
