ABŞ Rusiya mənşəli neft və neft məhsullarının tankerlərə yüklənməsinə, daşınmasına və boşaldılmasına 17 apreldən 16 maya qədər icazə verib.
APA xəbər verir ki, bu barədə 17 apreldə ABŞ Maliyyə Nazirliyinin Xarici Aktivlərə Nəzarət İdarəsinin (OFAC) saytında dərc olunmuş ümumi lisenziyanın mətnində deyilir.
Bu lisenziya yuxarıda göstərilən aktlarla bloklanmış (ABŞ Maliyyə Nazirliyinin sanksiya siyahılarına daxil edilmiş) gəmilər də daxil olmaqla, istənilən gəmiyə yüklənmiş Rusiya Federasiyasından mənşəli xam neft və ya neft məhsullarının satışı, çatdırılması və ya boşaldılması ilə bağlı əməliyyatlara şamil edilir.
